Waldaa Aksiyoona Dhugaatiwwan Keenyaa sspinge Waamicha Raabsa Oomishaa

Waldaa Aksiyoona Dhugaatiwwan Keenyaa sspinge Waamicha Raabsa Oomishaa

1. Seensa

Waldaan Aksiyoona Dhugaatiwwan Keenyaa Naannoo Oromiyaa, Gola Giddu Galeessaa, Magaalaa Giincitti bara Ebla 2009 Abbootii Aksiyoonaa 5,000 oliin dandeettii oomishaa Heektoolitirii Miliyoona 3, booddee gara Heektoolitirii Miliyoona 6 tti guddachuu danda'u qabatee kan hundeeffameedha. Dhaabbanni kunis yeroo ammaa kana dhugaatii alkoolii fi alkooliin alaa qulqullina qabu oomishuu irratti kan argamuu fi marsaa 2ffaa irratti Juusii, Bishaanii fi dhugaatiwwan biroo oomishuuf karoorfatee kan jiruudha.

2. Daangaa Hojii

Iyyanni dhiyaatu kanneen armaan gadii ifaan ifatti ibsuu qaba:

• Dandeettii Maallaqaa
• Dandeettii Raabsuu fi Mana Kuusaa
• Kabaja Seeraa fi Itti Gaafatamummaa Seeraa
• Dandeettii Uwwisa Gabaa

3. Ulaagaalee Madaallii

Iyyannoowwan ulaagaalee madaallii ulfaatina armaan gadiitiin madaalamu:

• Mana Kuusaa: Manneen kuusaa meeshaalee yeroo dheeraa turuu danda'anii fi ba'aa ulfaataa akkasumas sochii saanduqa deddeebi'aa dandamachuu danda'an irraa ijaaramuu qabu; qulqullina oomishaa fi ulaagaalee nageenya nyaataas eeguu qabu. Bal'inni mana kuusaa meetira iskuweerii 250 gadi ta'uu hin qabu.
• Konkolaattota: Oomisha Warshaa Biiraa irraa gara mana kuusaa raabsichaatti geessuuf konkolaattota geejjibaa sadarkaa jalqabaa, akkasumas naannoo raabsichaaf ramadame keessatti oomisha gara iddoowwan gurgurtaatti balbala irraa balbalatti geessuuf konkolaattota gurgurtaa sadarkaa lammaffaa qabaachuun barbaachisaadha.
• Ulaagaalee Humna Namaa: Hojii gurgurtaa fi raabsaa bu'a qabeessa ta'e mirkaneessuuf, raabsitoonni Waldaa Aksiyoona Biiraa Keenyaa hundi yoo xiqqaate hojjettoota addaa armaan gadii waliigaltee hojii idileetiin qabaachuu qabu: To'ataa Gurgurtaa/Raabsaa, Bakka Bu'oota Gurgurtaa, Konkolaachisaa, Hojjetaa fe'uu fi buusu, akkasumas Gargaartota Mana Kuusaa.
• Muuxannoo Duraanii Raabsa Meeshaalee Fayyadamaa Saffisaan Socho'an (FMCG): Raabsaa idilee Waldaa Aksiyoona Biiraa Keenyaa ta'uuf ulaagaa guutuu keessatti faayidaa qabaachuuf, iyyattoonni meeshaalee fayyadamaa saffisaan socho'an (FMCG) raabsuu irratti muuxannoo duraanii qabaachuu qabu. Dabalataanis, Afaanii fi Aadaa naannoo beekuun faayidaa dabalataa ta'ee ilaalama.
• Walitti Bu'iinsa Dantaa: Iyyattoonni hojjetaan Waldaa Aksiyoona Biiraa Keenyaa ykn miseensi maatii dhihoo hojjetaa tokko dhaabbata iyyatu keessatti qooda abbummaa, gahee bulchiinsaa yookiin dantaa maallaqaa kan biraa qabaachuu isaa ibsuu qabu. Hariiroon sun guutuutti ibsamee, dhiyeessii dura KBSC'n barreeffamaan yoo hin hayyamamne, iyyattoonni akkanaa hirmaachuu hin danda'an.

Raabsummaa kennuun dura, Waldaan Aksiyoona Biiraa Keenyaa iyyattoota tarree gabaabaa keessa galan irratti qorannoo kan taasisuudha; Kunis mana kuusaa, konkolaattota fi waajjira mirkaneessuu, dandeettii maallaqaa madaaluu, kabaja seeraa fi gibiraa sakatta'uu, akkasumas ragaa wabii qorachuu dabalata. Bu'aan qorannoo unka madaallii idilee keessatti walitti qabamee, murteen dhumaa adeemsa hayyama keessoo Waldaa Aksiyyona Biiraa Keenyaatiin mirkanaa'a.

Haala Filannoo: Raabsitoonni filataman Waliigaltee Raabsaa idilee Waldaa Aksiyoona Biiraa Keenyaa ni mallatteessu; daldala jalqabuu isaanii dura, meeshaalee deebifamanii fi liqii kamiyyuu uwwisuuf meeshaa wabii barbaachisu- wabii baankii haalduree hin qabne yookiin kuusaa maallaqaa-ni dhiyeessu; checkiin hin fudhatamu. Raabsitoonni haaraan jalqaba maallaqa callaan bitu; filannoo booda, madaallii fi hayyama irratti hundaa'uun, akkaataa imaammata Dhaabbatichaatiin liqiin kennamuu danda'a. Daldalli kan jalqabu adeemsi hojii jalqabsiisuu, kanneen akka waliigaltee mallatteessuu, sirna diriirsuu, akkasumas naannoo fi gatii ramaduu, erga xumuramee qofa.

4. Ulaagaalee Iyyannoo

Iyyannoon dhiyaatu yoo xiqqaate kanneen armaan gadii qabaachuu qaba;

• Garagalcha hayyama daldalaa hojii kanaaf barbaachisaa fi yeroo isaa hin darbine, galmee VAT fi ragaa TIN.
• Dandeettii Maallaqaa Xiqqaa: Iyyattoonni ulaagaalee dandeettii maallaqaa xiqqaa Waldaa Aksiyoona Biiraa Keenyaa (qabeenya qulqulluu/ kaappitaala kaffalamee isa xiqqaa fi giddugaleessa galii waggaa waggoota 3 darban keessatti argame isa xiqqaa, akka Waldaan Aksiyoona Biiraa Keenyaa murteessetti) guutuu qabu; kunis sanadoota armaan gadiitiin mirkanaa'uu qaba.
• Ibsa maallaqaa odiitii taasifamee fi ragaa qulqullina gibiraa
• Ibsa herrega baankii waggoota 3 darban.
• Piroofaayiliin dhaabbatichaa maalummaa hojii daldalaa, seenaa, qulqullina tajaajilaa fi dandeettii isaa ibsuu qaba.
• Sanadoota abbummaa/kiraa konkolaattotaa fi manneen kuusaa.
• Xalayaa kaka'umsa, naannoo raabsaa irratti fedhii qabu ibsu.
• Iyyattoonni fedhii qabanii fi ulaagaa guutan ibsa fedhii isaanii, garagalcha qulqulluu sanadootaa waliin, Onkoloolessa 20, 2019 dura qaamaan Waajjira Muummee Waldaa Aksiyoona Biiraa Keenyaa Hoteela Intarnaashinaala Ilillii Darbii 10ffaatti dhiyaachuudhaan saanduqa dhimma kanaaf qophaa'e keessa galchuudhaan, guca yeroo jedhame kana keessatti galchuu isaanii ibsu mallatteessuu qabu.
• Iyyannoowwan poostaa cufamaa, maqaa dhaabbatichaa fi kaayyoo dhiyeessichaa ifatti irratti barreeffameen dhiyaachuu qabu (fakkeenyaaf, Ibsa Fedhii Raabsaaf).

5. Ibsa Daangaa Itti Gaafatamummaa

• Beeksisni kun gama Waldaa Aksiyoona Dhugaatiwwan Keenyaa irraa dirqama waliigaltee yookiin seeraa kamiyyuu hin uumu.
• Waldaan Aksiyoona Dhugaatiwwan Keenyaa beeksisa kana guutuutti yookiin gartokkeen fooyyessuu yookiin haquuf mirga qaba.
• Yeroo xumuraa dhiyeessii kabajuu dhabuun iyyannoon fudhatama akka hin qabaanne taasisa.
• Iyyattoonni tarree gabaabaa keessa galan daawwannaa dhaabbataa qindeessuuf bilbilaan quunnamamu.

6. Naannoo Raabsaa

Iyyattoonni naannolee raabsaa armaan gadiitiif akka iyyatan kan affeeramaniidha:

Affeerraan kun qaamota fedhii qaban hundaaf banaadha; Waldaan Aksiyoona Dhugaatiwwan Keenyaa iyyattoota ulaagaalee daldalaa isaa caalaatti guutan filachuuf mirga qaba. Ibsa fedhii keessanii fudhachuu fi tumsa yeroo dheeraa uumuf abdii guddaan eegna.

Kazaanchis, Hoteela Intarnaashinaala Ilillii, Gamoo Haaraa Darbii 13ffaa +251 92 897 7983 

www.kegnabeverages.com 

Waldaa Aksiyoona Dhugaatiwwan Keenyaa

Tender details

• Deadline: 2026-10-30
• Bid closing time: 17:00
• Bid opening: 2026-10-30 17:00
• Bid opening (note): Guyyaan caalbaasiin itti banamu hin ibsamne.
• Region: Addis Ababa
• Publishing entity: Kegna Beverages S.C.
• Published on: BARRIISAA (Oct 14, 2026)
• Posted at: 2026-10-14T13:29:55.000Z
• Source: Qelal Tenders