አዲስ አበባ መንገዶች ባለስልጣን: የግንባታ እቃዎች ግዥ መፈፀም ይፈልጋል

በጨረታ ዝርዝር መረጃ ሰንጠረዥ ንዑስ አንቀጽ 15.2 (ለ) መሰረት ተጫራቾች ይህን ውል በተገቢው መንገድ ለማከናወን በቂ የፋይናንስ አቅም ያላቸው መሆኑን በሚያሳይ መልኩ የጨረታ ዝርዝር መረጃ ሰንጠረዥ በሚያዘው መሰረት በክፍል 4 የተመለከተውን የተጫራቾች የሙያ ብቃት ማረጋገጫ ሞልተው ማቅረብ ይኖርባቸዋል፡፡ወይም ይህን ውል ለማከናወን የሚያስችል የፋይናንስ ድጋፍ የብድር ስምምነት ከታወቀ ባንክ ቢያንስ 50 ሚሊዮን ብር በማቅረብ ማረጋገጥ ይኖርባቸዋል ወይም የፋይናንስ አቅማቸውን የሚያሳይ ከታወቀ ባንክ የተረጋገጠ የሂሳብ መግለጫ ማቅረብ ይኖርባቸዋል፡፡

ተጫራቾች በቂ የሆነ የፋይናንስ አቅም ያላቸው መሆኑን የሚያሳይ በገለልተኛ ኦዲተር የተረጋገጠ ያለፉት 2 ዓመታት የኦዲት ሪፖርት ማቅረብ አለባቸው፡፡

በተጫራቾች መመሪያ ንዑስ አንቀጽ 4.6 (ለ) (i) መሠረት ተጫራቹ ከሥራው ጋር አግባብነት ያለው የታደሰ የንግድ ፈቃድ ማቅረብ ሳይችል ሲቀር፣

በተጫራቾች መመሪያ ንዑስ አንቀጽ 4.6 (ሐ) መሠረት የውጭ ሀገር ተጫራች ሆኖ ከተቋቋመበት ሀገር የንግድ ምዝገባ ሰርቲፊኬት ማቅረብ ሳይችል ሲቀር፣

በጨረታ ዝርዝር መረጃ ሠንጠረዥና በተጫራቾች መመሪያ ንዑስ አንቀጽ 4.6 (ለ) (ii) መሠረት የሀገር ውስጥ ተጫራች ሆኖ በታክስ ባለሥልጣን የተሰጠ የተጨማሪ እሴት ታከለ የምዝገባ ሰርቲፊኬት ማቅረብ ሳይችል ሲቀር፣ 

በተጫራቾች መመሪያ ንዑስ አንቀጽ 4.6 (ለ) (iii) መሠረት የሀገር ውስጥ ተጫራች ሆኖ ታክስ የከፈለበትን ሰርቲፊኬት ከታክስ ባለሥልጣን ማቅረብ ሳይችል ሲቀር፣

ማንኛውም ተጫራች ባለፉት 2 ዓመታት ውስጥ ከባለስልጣን መ/ቤቱ ጋር በአግባቡ ያልፈጸመው ውል ካለው ወይም በእያንዳንዱ በዚህ ጨረታ በቀረበው ምርት ዓይነት ውል ኖሮት ደካማ አፈጻጸም ያለው በግልግል ወይም አስተዳደራዊ ውሳኔ የተሰጠው ተጫራች በዚህ ጨረታ ተቀባይነት አይኖረውም፡፡ 

በዚህ ጨረታ መሳተፍ የሚችሉ ተጫራቾች በ2018 በጀት አመት የተመሳሳይ ግብዓት ዓይነት ውል ኖሯቸው ከ80 በመቶ (80%) በላይ አጥጋቢ አፈፃፀም ሊኖራቸው ይገባል፡፡

ከ80% በላይ አጥጋቢ አፈፃፀም ኖሯቸው የጨረታ አሸናፊ ቢሆኑ አቅርቦት ለመጀመር የቀድሞውን ውለታ በሚገባ ማጠናቀቅ እንደሚችሉ በፅሁፍ ማረጋገጫ መስጠት ይኖርባቸዋል ፡፡

ተጫራቾች የራሳቸው የሆነ የአስፋልት ማምረቻ ፕላንት፣ክሬሸር እና ኳሪ ሊኖራቸው ይገባል፡፡የባለቤትነት ማረጋገጫ ሰነድ ሊብሬ እንዲሁም በውልና ማስረጃ የተረጋገጠ ውክልና ወይም ለዚህ ጨረታ የአቅርቦት ጊዜ የሚሸፍን የኪራይ ውል ለውል ዘመኑ የሰነድ ማረጋገጫ ማቅረብ አለባቸው፡፡ ማረጋገጫ ያላቀረበ ተጫራች ከውድድር ውጪ ይደረጋል፡፡

ተጫራቾች የሚያቀርቡት ምርት በክፍል 6 በተገለፀው የቴክኒክ ፍላጎት መግለጫ መሰረት መሆኑን የሚያረጋግጥ ከታወቀ ላብራቶሪ ማዕከል ወይም በሌላ 3ኛ ወገን አማካሪ የተረጋገጠ የላብራቶሪ ፍተሻ ዉሳኔ እና ሚክስ ዲዛይን ዶክመንት ማቅረብ ያለባቸው ሲሆን ሰነዱ ከተዘጋጀ 6 ወር መብለጥ የለበትም፤ የቀረበው ዶክመንት ክፍል 6 የተቀመጠው የጥራት መግለጫ ማሟላት አለበት

ለሚቀርበዉ ማሽን ካልብሬት የተደረገበት ህጋዊ ሰነድ ማቅረብ አለባቸው እነዚህን ሰነዶች ማቅረብ ያልቻለ ተጫራች ከውድድር ውጭ ይደረጋል፡፡ 

አሸናፊ ተጫራቾች ውል ከተዋዋሉበት ቀን ጀምሮ በ5 ቀናት ውስጥ የእያንዳንዱን ሎት ቢያንስ በቀን 600 ቶን በቀንም ሆነ በማታ የስራ ሸፍት ማቅረብ ይኖርበታል እንደ አስፈላጊነቱ ፍላጎቱ እስከ ሚጠናቀቅ ድረስ ባለስልጣን መ/ቤቱ በሚያቀርበው ጥያቄ መሰረት ከ600 ቶን በላይ በቀንም ሆነ በማታ የስራ ሸፍት ማዘዝ ይቻላል፡፡ ተጫራቹ ስምምነቱን በፅሁፍ ከቴክኒክ ሰነዱ ጋር ማቅረብ አለበት::

ተጫራቾች ለእያንዳንዱ ሎት የሚያቀርቡት የአስፋልት ፕላንት ሰነድ በቀን 1000 ቶን እና ከዛ በላይ የማምረት አቅም ሊኖረዉ የገባል፡፡

በሁለቱም ሎት ለመወዳዳር በቀን 1000 ቶን እና ከዛ በላይ ማምረት የሚችሉ ሁለት ፕላንት ሊኖረው ይገባል ይህንንም ተጫራቹ ስምምነቱን በፅሁፍ ከቴክኒክ ሰነዱ ጋር ማቅረብ አለበት፡፡ለዚህም የሰነድ ማረጋገጫ ማቅረብ አለበት፡፡

ተጫራቾች የግብዓት ምርት አቅርቦት የሚያከናውኑበት ተሸከርካሪዎች በራሱ ወጪ ጂፒኤስ (GPS) በማስገጠም የማቅረብ ግዴታ አለበት የGPS ሥርዓቱ በባለስልጣኑ መሥሪያ ቤት በተመደቡ ባለሙያዎች የቀጥታ እና የቅርብ ክትትል እንዲደረግበት የሚያስችል ሲሆን፣ አቅራቢው የሥርዓቱን Username እና Password ለባለስልጣን መ/ቤት መስጠት ይኖርበታል።ለዚህም ተጫራቹ ስምምነቱን በፅሁፍ ከቴክኒክ ሰነዱ ጋር ማቅረብ አለበት፡፡

ተጫራች በእያንዳንዱ ጭነት ለሚቀርበው ምርት ክብደት መጠን መለካት ያለበት ሲሆን በማምረቻው ቦታ የምድር ሚዛን ወይም control Room print out ያለው መሆኑን በጽሑፍ ማረጋገጫ ማቅረብ አለባቸው፡፡ የምድር ሚዛን ወይም control Room print out የሌለው ወይም የጽሑፍ ማረጋገጫ ያላቀረበ ተጫራች በቴክኒክ ግምገማ ወቅት ከጨረታ ውድድር ውጪ ይደረጋል፡፡

ተጫራቾች በክፍል 6 በPDF በተቀመጠው ፍላጎት መግለጫ መሰረት ስፔሲፊኬሽናቸውን ማቅረብ አለባቸው